|
सहिदको सम्झनामा साताव्यापी बलिदान दिवस मनाईदै
दाङ;एकीकृत नेकपा माओवादीले बलिदान दिवस विभिन्न कार्यक्रम गरी मनाइरहेको छ । यसलाई सहिद सप्ताह पनि भन्ने गरिन्छ । तत्कालिन नेकपा माओवादीले २०५२ साल फागुन १ गते शुरु गरेको जनयुद्धका क्रममा फागुन १४ गते प्रहरीले गोरखामा ११ बर्षीय दिलबहादुर रम्तेलको हत्या गरेको दिनको सम्झनामा प्रत्येक बर्ष फागुन १४ लाई माओवादीले बलिदान दिवसका रुपमा मनाउँदै आएको छ ।
जनयुद्धपश्चात् रम्तेललाई राज्यले माओवादीको आरोपमा स्कूलमै गोली हानी हत्या गरेको थियो । माओवादीले उनीलाई जनयुद्धको पहिलो सहिद घोषणा गरेको छ । जनयुद्धको पहिलो सहिद भएको दिनदेखि झापा आन्दोलनका क्रममा सुखानीमा हत्या भएको दिन फागुन २१ सम्मलाई साताव्यापी रुपमा माओवादीले बलिदान दिवस मनाउदै आएको छ । सहिद सप्ताहभरि विभिन्न ठाउँहरुमा सभा अन्तकिर््रया सहिद परिवारहरुलाई अभिनन्दन भेटघाट सुझाव संकलन र सहिद स्मारक निर्माण आदि कार्यहरु गरी मनाउने गरिन्छ । यसैबीच सहिद सप्ताहको पहिलो दिन फागुन १४ गते एकीकृत माओवादी दाङले सहिद परिवारलाई अभिनन्दन गरेको थियो । जिल्लाका प्रत्येक एरियाहरुले अभिनन्दन कार्यक्रमको आयोजना गरी जनयुद्धको क्रममा बलिदान गरेका सहिदका परिवारजनहरुलाई दोसल्ला ओढाई उपहार प्रदान गरेका छन् । जनयुद्धको क्रममा दाङमा मात्र सहिदको संख्या २ सय ५८ जना रहेको छ । यसैबीच एकीकृत माओवादी १५ नं। एरियाले शुक्रबार तुलसीपुरमा सहिद परिवार तथा घाइतेलाई अभिनन्दन गरेको छ । सहिद परिवार र घाइतेहरुलाई एरिया इन्चार्ज शितल र सेक्रेटरी प्रदिप ओलीले अभिनन्दन गर्नुभएको थियो । त्यसैगरी एरिया नं। १८ ले शनिबार पवननगरको सुनपुरमा सहिद परिवारहरुलाई अभिनन्दन गरेको छ । एरिया ईन्चार्ज सौरभ पवननगरका ईन्चार्ज मेघराज शान्तिनगरका ईन्चार्ज हिरा र महेशले अभिनन्दन गर्नुभएको थियो ।
| 
