NRN परिचय पत्र प्रदान गर्दा NRN कोरिया र नेपाली दूतावास बीच सहकार्य गर्ने
कोरियाका गैर आवासीय नेपाली र नेपाली मुलका कोरियन नागरिकलाई परिचय पत्र प्रदान गर्दा एन आर एन कोरिया र नेपाली दूतावास बीच सहकार्य गर्ने
PNN सम्बाददाता
गैर आवासीय नेपाली संघद्वारा नेपाल सरकारलाई दोहोरो नागरिकताको ब्यवस्था गर्नु पर्ने माग गरेतापनि हालै नेपाल सरकारले दोहोरो नागरिकताको साटो सम्पूर्ण गैर आवासीय नेपाली र नेपाली मुलका बिदेशी नागरिकहरुलाई एन आर एन परिचय पत्र बितरण गर्ने निर्णय गरे गरे अनुरुप एन आर एन कोरियाले महामहिम राजदूत कमल प्रसाद कोईराला र उपनियोग प्रमुख यादब खनाल समक्ष ICC सचिव तेन्जी शेर्पा समेको उपस्थितीमा त्यसबारे दूतावाससंग बिस्तृत छलफल सम्पन्न गरेको छ ।
एन आर एन कोरियाका पदाधिकारीहरु र दूतावास बीच आज भएको सो छलफल कार्यक्रमको मुख्य उद्देश्य कोरियामा रहेका गैर आवासीय नेपालीहरु तथा नेपाली मूलका कोरियन नागरिकहरुलाई के कसरी परिचय पत्र बितरण गर्दा उपर्युक्त होला भन्ने बिषयमा केन्द्रित रहेको थियो ।
करीब २ घण्टाको सो छलफलमा नेपाली दूतावासद्वारा सो परिचय पत्र बितरण गर्दा NRN कोरियासंग सहकार्य गर्ने प्रतिबद्धता ब्यक्त गरिएको छ । जसबाट नेपाली मुलका कोरियन नागरिक अथवा गैर आवासीय नेपालीले दूतावासबाट परिचय पत्र प्राप्त गर्नको लागि एन आर एन कोरियाको सदस्य हुनुपर्नेछ । त्यसैगरि अबको केही हप्ता भित्रै एन आर एन कोरियाद्वारा एक कार्यक्रमको आयोजना गरी औपचारिक रुपमा महामहिम राजदूत कमल प्रसाद कोईरालाबाट एन आर एन कोरियाका बिशेष पदाधिकारीहरु लगायत अन्य एन आर एनहरुलाई सो परिचय पत्र बितरण गरी परिचय पत्र बितरणको कार्य थालनी गर्ने बिषयमा छलफल गरिएको थियो ।

यो पृष्ठ छाप्नुस्

प्रतिक्रिया दिनुस्