|
एसएलसी परीक्षार्थीको लागि सन्तुलित भोजन
रविन राचलिका
दश कक्षाको अन्तिम परीक्षा दिन करिब पाँच लाख बिद्यार्थीहरु तयारीमा जुटेका छन् । परिक्षाको अन्तिम घडी आइसकेकाले भने उनीहरु अरु सबै काम छोडेर पढाइमा ध्यानमग्न भएका छन् ।
केहीको भने टेस्ट परिक्षा पछिको लामो बिदाको कारण रमाइलो गर्न र खानपिनमा मन गएको देखिन्छ । यो समय भने यसरी मनोरन्जन गर्नै बेला पक्कै होइन । पुरा मन बचन र मष्टिकको प्रयोग गरी उच्चतम अंक हासिल गर्नको लागि अभ्यास र ध्यान गर्ने समय हो । यसको लागि सन्तुलित भोजन ग्रहण गर्न पनि त्यतिकै आबश्यक देखिन्छ ।
बिहान उठ्ने बितिकै नुवाइधुवाई गरी तातो चिया वा नुनचिनी पानी पिउदा पढाई गर्नको लागि एकाग्रहता बढ्छ । यसको साथमा केही मिनेट आँखा चिम्लेर परीक्षाको तयारीको बारेमा ध्यान गर्दा परीक्षामा राम्रो गर्ने हौसला मिल्छ ।
नियमित भोजनमा भने माछामासु जस्ता मांसाहारी भोजन त्याग गर्नु पर्दछ । मदिराजन्य पदार्थबाट टाढै रहनु पर्दछ । यी बस्तुहरुले दिमागलाई उत्तेजित पार्ने भएकोले परीक्षा अबधिमा यिनको स्वाद लिने कल्पना समेत गर्नु हुदैन । त्यसैगरी पिरो र अमिलोले पेटजन्य समस्या आउने सक्ने ख्याल राख्नु पर्दछ ।
दिमागलाई स्फुर्ट राख्नको लागि सकेसम्म बढी फलफुल सेवन गर्नु पर्दछ । फलफुलसंगै जुस पिउन सकेमा त झनै राम्रो हुन्छ । आर्थिक समस्या भएकाहरुले भने यसको बिकल्पमा धेरै पानी पिएर रक्तसाचारलाई कि्रयाशिल राखेर परीक्षाको तयारी गर्न सक्छन् ।
बजारमा पाइने भन्दा घर मै आफैले तयार पारेको ताजा खाना खानु पर्दछ । यसको लागि करेसाबारी भएको घरमा बस्न सकिन्छ अथवा नियमित ताजा तरकारी ल्याउने ब्यबस्था मिलाउनु पर्दछ । यसो गर्न सकेमा प्याकेटबन्दी हानिकारक खानाबाट बच्न सकिन्छ ।
तेलमा तारेको खाद्य पदार्थको सट्टामा पानीमा भिजाइएको अन्नहरु बढी उपभोग गर्नु पर्दछ । यसबाट एलर्जी लगायतका समस्या देखिदैन । सन्तुलित भोजनसंगै पर्याप्त निद्राको पनि उतिकै आबश्यक हुन्छ । राती सुत्न अघि दुध पिउदा बिहान समय मै उठ्नको लागि उर्जा प्राप्त हुन्छ ।
| 
