|
विवाहस्थलमा झडप हुँदा दुई जनाको मृत्यु घटनामा संलग्न रहेको आशंकामा पाँच जना पक्राउ
सिरहा
सिरहा जिल्लाको मझौलिया ६ स्थित अरनगाँउका रामपती ठाकुरको छोरीको विवाहमा नाचगान भइरहेको वेला एक्कासी गोली चल्दा दुईजनाको मृत्यु भएको छ । सो घटनाबारे जानकारी पाउनासाथ तत्कालै त्यसठाँउमा पुगेको एपीएफ टोलीले घटनामा संलग्न रहेको आशंकामा पाँच जनालाई पक्राउ गरेको छ ।
पक्राउ पर्नेहरुमा सोही जिल्लाको मझौलिया गाविस ८ वस्ने छोटु मियाँ मोहम्मद मुस्ताब रहनी असलाम रहिन कलम मियाँ र मोहम्मद इस्रालिया छन् । एपीएफ टोलीले त्यसठाँउबाट एउटा कटुवा पेस्तोल समेत बरामद गरेको छ ।
हिजोराति करीब ११ बजेतिर भएको उक्त घटनाबारे जानकारी पाउनासाथै सशस्त्र प्रहरी बल सुरक्षा बेस चिकना सुरक्षा बेस कल्याणपुर र मिर्चैयाबाट समेत एपीएफ टोली परिचालन भएको थियो ।
त्यसवेला एपीएफ टोलीसँग स्थानीय प्रहरीसमेत खटिएको थियो ।
विवाह घरमा नाचगान भइरहेको अवस्थामा एक्कासी भएको गोली प्रहारबाट स्थानीय मिर्चैया बस्ने दिलिप साह र विजय मालीको मृत्यु भएको छ । उहाँहरुको उपचारको क्रममा मृत्यु भएको हो ।
पक्राउ परेकाहरुलाई एपीएफ टोलीेले बरामद हतियारसहितै आवश्यक कारवाहीको लागि तत्कालै स्थानीय प्रहरीलाई बुझाएको छ ।
एपीएफ टोलीद्वारा अवैध हतियारसहित एक जना पक्राउ ः-
नवलपरासी
नवलपरासी जिल्लाको ठुलोखैरटवा गाविस ६ स्थित पसा्र भन्ने स्थानबाट एपीएफ टोलीले अवैध हतियार गोली तथा गाँजासहित एक जनालाई पक्राउ गरेको छ ।
भारतको कुशीनगर घर बताउने बैजनाथ सहनीलाई एपीएफ टोलीले हिजोसाँझ एकथान १२ बोरको बन्दुक तथा एक राउण्ड गोली र २५ के।जी। गाँजासहित पक्राउ गरेको हो ।
सशस्त्र प्रहरी बल सीमा सुरक्षा कार्यालय नवलपरासीबाट खटिएको एपीएफ टोली र स्थानीय प्रहरीले निजलाई अवैध हतियार तथा गाँजासहित पक्राउ गरेको हो ।
एपीएफ टोलीले पक्राउ परेका निजलाई आवश्यक कारवाहीको लागि बरामद हतियार तथा गाँजासहितै स्थानीय प्रहरीलाई बुझाएको छ ।
| 
